幾名被公開住址的藝人都感不滿，官恩娜表示：「搞到大家出入都提心吊膽，始終自己都係女仔，出入都會盡量小心。」側田表示：「如果寫埋幾樓幾室就好恐怖，咁就好驚，如果真係就會喺門口裝閉路電視，加強防盜，最好請埋保鑣看門口。」鄧麗欣（Stephy）說：「姑勿論網上啲人寫嘅地址係啱定錯，都會影響人哋嘅生活。」
陳小春更指出「我以前都試過地址電話俾人公開上網，啲人唔想香港淪陷，就唔好再做埋啲負面嘢，再咁落去香港冇㗎喇。」
個人資料私隱專員公署發言人昨日稱，現正了解事件，並在有關網站搜集資料，暫未決定會否採取進一步行動。公署不會評論個別個案，但根據個人資料的定義，詳細地址連同住客的姓名屬個人資料，若地址不詳盡，例如只有一個屋苑名稱，沒有明確座數及門牌號碼，則可能不算個人資料。
網友對藝人地址遭公開事件的反應不一，香港討論區的網友bubufamily稱「如果唔係啲傳媒報道，我哋又點知藝人啲住址呀！」網友garole即時附和，「係咪只許報紙雜誌放火，不許討論區百姓點燈？」