韓劇《愛上哪個我》跟《她很漂亮》男星朴敘俊今日首次來港，出席下晝3點喺皇室堡舉行嘅簽唱會。由於今次係oppa第一次嚟香港出騷，近半百粉絲一早去到機場等候，現場亦有10名保安維持秩序。

約早上11時20分左右，朴敘俊一現身粉絲即好識做地主動上前埋粉絲堆握手，之後做都機場變成迷你簽名會，一路行一路為粉絲簽名，而粉絲亦趁機用韓文同oppa交流，oppa就微笑同揮手回應。由於oppa一路行一路簽名，粉絲都好激動，更推跌行李車，現場有少少混亂。一直到上車之後，朴敘俊仲拉低車窗俾粉絲影多幾張相，係識做嘅。