歡迎繼續收看譚順生博士同九歲女兒Celine妹妹今日出席剪綵活動嘅報道。

頭先講到，譚生同Celine妹妹一齊做訪問，但譚生一直冇出聲，等個女自己答，直至呢個問題…

1.「咁係咪特登向學校請假參加比賽？」

譚順生即謂：「一定要嘅！一共請咗兩個禮拜，十零日左右啦。」驚唔驚影響個女嘅功課？譚生答：「唔會！佢都做咗好多功課。同埋喺美國嘅法例之下呢，佢係有上堂，同埋有做功課嘅。」

又要練歌，又要做好多功課，又要上堂，又要比賽，嗰種體力消耗同精神壓力真係好大0架譚生…

2.之前Celine Dion安慰落敗嘅Celine，話開演唱會會請佢做嘉賓，今日問番Celine妹妹係咪真啦？

譚順生代答：「係有喺Twitter邀請過嘅，但詳情要等經理人(即蕭定一)跟進喇。」記者就問Celine妹妹：「咁你想唔想呀？」佢又露出招牌笑容話：「當然啦！」爸爸又搶答：「今次最大嘅得著係夢想成真，其實今次都攞咗好多經驗喇。」

3.下一個敏感問題，都係由譚順生搶答，例如話，有冇留意網民嘅留言？讚或彈都有冇睇？

譚生話：「我哋不嬲都唔理呢啲嘅！大家都有智慧！」