外表嬌小柔弱的阿盈說:「記得我讀中五嗰年聖誕節,爸爸抽筋抽得好犀利,當時得我同佢喺屋企,嗰一刻真係好無助、好擔心,惟有打九九九送佢入醫院。」
姊弟輪流照顧
阿盈又說:「有次佢又試過坐坐吓成個人跣咗落地下,我冇力扶佢,搞到要叫鄰居幫手。」
剛於今年完成中七課程的阿盈表示,父親在她中四那年患上柏金遜症,此後家中起了翻天變化,本為家庭主婦的媽媽要負起養家重責,父親則由她與十歲弟弟輪流照顧。
短短五年,阿盈眼見病魔已把父親折騰得憔悴不堪,五十歲的他,活動能力還不及一個七、八十歲的老人。
「爸爸每次食完藥一個鐘之後,就可以行嚟行去,其餘時間見佢成日嗌痛,我希望佢可以早日做手術,照顧到自己,唔使咁辛苦。」現正等候高考放榜的阿盈說。
阿釗聽到女兒的一番話,亦欷歔地說:「我自己有病,都冇精神關心仔女,重要佢哋反過來擔心我,有時連飲杯水都要等佢哋放學返嚟斟畀我,搞到佢哋周身唔得閒,真係好對佢哋唔住。」阿釗續說,近期感到病情有惡化趨勢,有時甚至連呼吸都受影響。
阿釗的主診醫生梁顯信表示,自去年年底開始,藥物對阿釗已逐漸失效,令其四肢出現不自主動作及僵硬情況,容易在家跌倒而生危險,需要盡快進行一項名為「深部腦刺激手術」,利用植入腦內的微型電極控制顫抖情況。
而根據曾經接受手術的病人康復情況來看,病人普遍活動能力均有大幅改善,可以照顧自己,其中有六至九成機會成功壓抑顫抖。