憑韓劇《回答吧！1988》上位嘅28歲男星高庚杓，上月21號以現役兵身份入伍，當日佢因為怕惹起混亂，所以刻意低調入伍，但臨入伍前就喺Instagram晒平頭裝，留言話：「會好好當兵歸來，感謝一齊陪我度過20代嘅人，祝大家幸福，會變得更成熟見大家。」獲大批粉絲留言打氣。

而高庚杓完成咗新兵訓練後，噚日喺江原道三陟市陸軍第23師新兵訓練結業禮上獲一表彰，根據報道指高庚杓於學員中排名第三，成績優異。據知佢已適應咗軍隊生活，係其他人嘅好榜樣。而高庚杓嘅家姐同造型師噚日都有出席佢嘅畢業禮，而根據網民指，高庚杓因為丟手榴彈好出色而獲獎，所以獲得獎勵可以外宿出去。

更多韓流，喺晒《娛果》
http://fb.com/appledailyent