本版「中環我最靚」（前名「中環我至靚）早前刊登了一位洋娃娃美少女照片，看來不似玩cosplay，何解以娃娃裝出沒中環？上網搜尋，發現她五度落入「我最靚」攝影師鏡頭，亦即係「法國礦泉水金髮Pink Lady」，年初榮登本版「2011年終極至靚」。她正職是model，亦非法國人！
22歲的Taylor Richard是中環一間模特兒公司旗下女模，約她做訪問，要求以真面目示人，最好以平日出街打扮現身，誰知出現在模特兒公司的依然是一個洋娃娃。她真人可愛隨和，說喜歡「好女仔」的打扮，腳上一對平底皮鞋是最愛，因為「易襯衫」。

與金融界男友　不談財經

Taylor來自加拿大，六年前兼職做模特兒，不久轉做全職，曾於日本、希臘、台灣工作，兩年前來港。相對加拿大小鎮沉悶生活，她瞬間愛上香港，現時除了跟私人導師學廣東話，亦兼讀營養學學位課程。
「現在好多人過肥，提早有健康問題，小朋友都肥嘟嘟！」未學好廣東話的Taylor以英語說。她希望將來做營養師，甚至開診所做生意。Taylor亦甚懂理財之道，把儲蓄分散投資在債券、美股，加拿大亦有人替她理財，「錢放在銀行無用，投資較好！」
可見娃娃樣的Taylor相當有腦，不止是娃娃。有樣有腦當然有男朋友，Taylor有一位黃皮白心的金融才俊男友，拍拖近兩年，但兩人拍拖從不談財經。
後記：Taylor訪問放在本版相庫，他版同事見到竟然四出查問，足證Taylor並非中環路人甲！

Taylor Richard　公私相簿

李華華
mailto:[email protected]