當年今日
關於我們

  亞視股權風波擴大 - 李八方

蘋果日報 2002/08/09 00:00


亞視風波吹到廣管局。噚日廣管局開完每月例會見傳媒,經過多月以來的訓練,廣管局主席梁乃鵬、影視及娛樂事務管理處處長陳育德、業務守則委員會主席方和,以及投訴委員會主席陸觀豪均做足準備,一開場即宣布「亞視股東作出的融資安排,並未引致表決控制權出現變動,而需要事先取得廣管局的批准。」八方當然唔會咁易滿足,猛問「廣管局有冇要求亞視提交財政狀況文件?點解唔問?點解信佢財政冇問題?基於啲咩信佢哋?係咪要出問題先至理……」四位仁兄忙於對答,愈講愈緊張,唔知係因為怕記者誤會佢哋懶,定係問題太敏感。
另一邊廂,tom首席執行官王兟同八方講,他們仍未開始對亞視作財務上的盡職審查,雙方只係簽了沒法律效力的備忘錄,所以他們仍可退出。
至於近期傳聞tom收購亞視是欲取得鳳凰衛視控股權,兟哥話「rumourisjustrumour,無法阻止人哋寫如此exciting的古仔。」他只重申,tom同誠哥從來不會作出敵意收購。


傳真︰2623-9278
電郵︰[email protected]