英、意、西聯賽強隊近期往往贏一球收工，講刺激、多意外戰果反而首推位列4大聯賽之末嘅德甲波。伸延至德乙亦然，偶然吼中個冷膽，回報不知高過吼中英、意、西熱膽多幾多倍。禮拜日就有場德乙「4哥」鬥「3哥」嘅「大」戰，冷吼凱沙羅頓和格雷特霍夫2:2。
凱沙羅頓雖然被睇好，但其實傷兵唔少，而格雷特霍夫傷兵唔算多，最緊要係射手艾拉古爾、韋辛加大勇，相信今場唔會輸。睇格雷特霍夫近10場作客比賽都攻入17球，呢個作客入球數目相當唔錯，再睇埋呢隊波又幾神經刀，歇冬後炒過恩高斯達特6:1、聖保利3:0，點估到上場作客護級隊科布倫斯要吞三蛋；蠱惑波就揀蠱惑波膽。