黑武士係《星球大戰》（Star Wars）電影系列最經典角色之一，曾於《星球大戰》首三集演黑武士嘅82歲英國男星Dave Prowse，稱因健康問題將唔會再出席活動，佢喺社交網站公告消息，指由2018年1月開始將唔會出席任何個人活動或會議。

身高1米98嘅Dave Prowse曾任健美與舉重運動員，佢最著名作品係於1973年開始於《星球大戰》首三集入面扮黑武士。而喺2014年，已有報道指Dave患上認知障礙症，但佢未有停止演藝工作，上年佢亦有為Jayce Lewis拍攝MV，成為佢喺螢光幕嘅最後作品。