周三歐聯分組賽，皇家馬德里會喺主場迎戰弱旅尼科西亞。喺本土賽事仍然停賽中嘅基斯坦奴朗拿度，可以喺歐聯復出候命，不過呢場波就唔使預中場馬高阿辛斯奧，而呢位西班牙新星缺陣嘅理由非常爆笑，竟然係因為剃腳毛！

21歲嘅阿辛斯奧似乎相當貪靚，不過今次貪靚貪出事，據報佢剃腳毛之後受感染。教練施丹被問及佢缺陣原因，佢幾乎忍唔住笑話：「佢對腳出晒粒粒，連襪都著唔到。」