當年今日
關於我們
馮煒光臨別又爆偉論:拉布有利罪犯
蘋果日報 2017/06/27 00:13
拉布
馮煒光
禮賓府7.1後換新主人,唔知梁班子走佬後,大家會就最懷緬邊位護航大員?八方相信新聞統籌專員馮煒光一定上榜喎,因為有佢嘅地方,就會有笑料,以後由AO為骨幹嘅林鄭班子,正路就悶蛋啲嘞喎!
自比「白宮發言人」嘅馮煒光都喺《頭條日報》專欄同大家道別,當然不忘搞下政治攻擊,竟然批評拉布「客觀上有利罪犯」,又要求全社會一齊聲討,點解?原來佢嘅「獨到」見解係,「反對派」不斷喺立法會尤其在財委會拉布,「令工人無工開,令房屋不能建,令警察職位不能設立,客觀上有利罪犯」,而熱心拉布議員最近到訪台灣同與台獨人士簽署聯盟協議,「究竟拉布是否『兩獨合流』拉香港後腿的卑劣手段,值得關注」。睇到呢度,大家會唔會覺得,梁班子早走早着?