當年今日
關於我們

【孖妹易撞衫】兩姊妹屋企食飯自己煮 衛蘭讚衛詩廚藝了得

蘋果日報 2017/09/28 17:36

萬聖節衛蘭衛詩Dear Jane

衛蘭、衛詩、Dear Jane今日到中環蘭桂坊出席一個萬聖節手機遊戲活動,現場仲有幾對twins助陣,衛蘭、衛詩喺台上分享孖生姊妹生活樂趣時,家姐衛蘭話:「每次上台講嘢未到一半,妹妹已經知道我想講咩。」而衛詩就話揀衫時經常撞衫。
衛蘭、衛詩兩姊妹有一段時間冇喺香港出席公開活動,成日都話keep fit嘅佢明顯冇乜躍進。早前兩姊妹去超市掃貨被捕獲,仲要素顏殘樣盡現,衛詩即撒嬌話好衰,衛蘭話:「嗰日做完運動去買嘢食,我仲未睇過啲相。」兩姊妹平日會喺家中煮嘢食,並由妹妹衛詩下廚多,佢仲自誇廚藝了得,平時喜歡煮嘢畀屋企人同朋友食,衛蘭食過妹妹手勢覺得OK,妹妹最拿手係烚雞同整沙律。衛蘭嚟緊會開演唱會,佢話一路有keep fit ,但就冇特定要瘦十磅,只係想健康,唔會餓自己,會以健康最好狀況上台唱歌。
兩姊妹素顏樣子被公開,衛詩笑稱:「張相係咪有photoshop過,冇可能咁殘。」衛蘭就話:「我哋嗰日做完劇烈運動特殘,下次去邊都好,都係戴返副黑超,成日俾人影到咁樣好搞笑。」
Dear Jane成員Tim話太太楊洛婷已經買咗幾套BB衫畀囡囡準備萬聖節,新手爸爸精神奕奕,Tim話:「依家早睡早起,輪流照顧BB,太太超早更,我就夜更,BB都算易湊。」樂隊成員暫未去探Tim囡囡,Tim笑言:「因為佢哋好多菌,我要裝備好BB先,等BB再大啲先,佢哋都送咗口水肩同繡咗Dear Jane嘅毛氈俾BB。」
empty
衛蘭、衛詩、Dear Jane今日到中環蘭桂芳出席一個萬聖節手機遊戲活動。
empty
empty
同場仲有盛智文。