當年今日
關於我們

【全城熱話】馬賽艷舞片流出 丘凱敏戥佢慘:希望只係舞台表演....

蘋果日報 2014/07/23 06:00


丘凱敏今日喺新城電台接受訪問,宣傳新書《女皇駕到III》,佢話今次搵咗21人幫佢哋大變身,當中都有困難地方,因為普通人唔識面對鏡頭,會有啲尷尬情況,最難係訓練佢哋自信,好似教仔教女咁,不過見到佢哋改變好開心,睇下之後大家有冇機會再聚會。

丘凱敏話都想繼續出扮靚書,亦想寫小說,不過會遲啲先。佢話0依家本書有機會再印第二版。講到反應唔錯,會唔會請食飯?佢話:「一定會,因為攝影師,大家都好辛苦。」

講到馬賽有艷舞片流出,丘凱敏話同馬賽唔熟,但都戥佢慘,啱啱平伏又一單新聞,但佢就話冇睇過片:「我冇睇段片,希望只係舞台表演,大家對佢手下留情同埋包容啦,大家都要小心。」

佢話自己入行多年,都冇著露背衫,因為自己比較保守,如果同行內出名既朋友影相,都會即刻傳入電腦,好小心同穩陣。