『Son姐你好，我係貿易公司職場新人，我唔講粗口的。坐我隔籬個女同事同我唔啱，專登講嘢超大聲又句句加粗口，好明顯講畀我聽。上司們都在房裡，不知出面情況。大老闆見我最近好似有啲問題，搵我傾偈。大老闆同我講佢自己俾個同事講粗口影響，佢話工作環境係唔可以講粗口，叫我如果聽到就話畀佢聽。

女同事今日又係咁大大聲講粗口，我於是入房同直屬上司講對方影響我工作。但反而俾直屬上司話我咁大個人，咁容易受人影響咩？以你的慧眼，點睇依件事？』

職場新人首要學的是人情世故，還有懂得看眉頭眼額，以及有分析能力順藤摸瓜。

你不是以為上司們坐在房裏面，就真的不知道出面發生什麼事吧？你太高估了公司的房間的隔音能力，嚴重低估了上司們心中各有的計算盤算。還有你的大老闆，講的根本就是極度門面的說話，只是敷衍，你不是在讀幼稚園，思想不能如此單純人講你就信。

反而你上司回覆你的投訴，絕對反映真相，你應該好好反省想一想。我有理由相信，不只是你們兩人之間的私人恩怨咁簡單。老闆上司們對那位講粗口女同事表現評價，肯定比你高。你冷靜下來分析一下，自己身處的究竟是一個怎樣的局面。

同事之間合不來有拗撬職場常見，但無論如何都不可能影響其他人工作。你同事夠膽死在公司內大大聲講嘢，還要不是講公事句句包含三字經，如此肆無忌憚，一般辦公室不可能容許，點解咁有膽咁把炮？

每個人都有自己的原則底線，但工作環境和同事不會因為你喜歡或不喜歡而改變。這份工作要也好不要也罷，都是你學習，吸收經驗教訓的寶貴機會。

職場行走，做事容易做人難，學一輩子學不完！

張慧敏
-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI