當年今日

李心潔好想有嫁期

蘋果日報 2004/07/02 00:00


李心潔日前為雜誌《CosmoBride》拍攝封面照,原來她的家庭觀念很重,她在訪問中說:「我一直希望早啲結婚生仔,愛上一個人嘅時候,我好快就會想嫁畀對方,我會成日同自己講唔可以分手,如果失去佢,我一定會死。」
從家鄉到異地工作,縱使滿目盡是失敗的愛情和婚姻,但李心潔一顆恨嫁的心卻堅定不移,她說:「總之我一定要結婚,可能因為我需要一個家,尤其是一個人漂泊咁多年,真係唔希望到三、四十歲嘅時候重孤獨一人。」她深信兩個人的相處,最重要是互相了解及信任。

憧憬世紀婚禮
談到家鄉的結婚習俗,心潔說:「我一早決定要搞一個世紀大婚禮,希望婚禮喺海邊舉行,婚紗唔使太隆重。我會選用buffet形式,大家可以唱歌、喺舞台跳舞,來賓即使着比堅尼都可以,party之後可以為賓客安排一個三日兩夜嘅旅行團就最完美。」