韓國42歲男星權相佑後日將會來港出席珠寶品牌活動，而喺來港前佢早前就孖老婆孫泰英飛去峇里為雜誌影新相，而兩公婆亦寓工作於娛樂，影完相後仲留喺當地度假。

下月二人就結婚十周年，37歲嘅孫泰英今日喺Instagram公開幾張照片，當中可見孫泰英就落咗水玩，唔知係唔係老公禁老婆着三點式，孫泰英件泳裝相當密實，完全零睇頭，而照片中就唔見權權上鏡。而之前權權游水時就被網民捕獲。

另外，有網民就拍得權權一家噚日離開峇里，同行原來仲有囝囝祿熙，9歲嘅祿熙已生得十分高大，遺傳咗父親嘅身高，而權權亦有親民與粉絲合照。

更多韓流，喺晒《娛果》
http://fb.com/appledailyent