文家良在港開倉已有19季，表現一向平平穩穩，冇乜大起大落，每季亦會早早贏夠數達標成功上岸，不用在季尾打護級戰咁辛苦。

但文家良最令人佩服的，應是訓練老馬有一手，經常有好成績交出，上季「瀟灑王子」、「歡樂小子」的表現已證明一切。

文家良從練已經多年，贏過的大賽唔多，只得「鷹之團」兩度勝出本地一級賽百週年紀念短途盃，應是其代表作。

上季有「仁者荃心」曾在G1主席短途獎入Q，但能屹立多年從未收過警告信，練馬功力當然有一定級數，其中訓練老馬，肯定是其拿手好戲。

就以上季為例，在文廐31場頭馬中，便有五場由七歲或以上老馬取得，當中包括「瀟灑王子」贏兩場，以及「歡樂小子」以當時九歲高齡重開勝門，都令人拍爛手掌。

能獲文家良保留的老馬，今季相信仍有利用價值。

其中「歡樂小子」今季轉十歲，是最後一季在港服役，但此駒上季仍能上陣17次，證明身體狀況良好，加上場地性能廣泛，田谷泥三種場地均可應付，在四班仍要時刻重視。

另外「瀟灑王子」有快放本錢，只要遇上有利形勢，仍有建功機會。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：

iOS / Android