韓國人夫李秉憲近年主攻荷李活，大多數時間都喺美國拍戲，可能因為咁，佢同荷李活明星分分鐘鐘仲熟過跟韓星，今日，李秉憲方面就公開佢同荷李活男星里安納度狄卡比奧（LeonardoDiCaprio）嘅合照，仲話二人friend咗好多年。

李秉憲所屬事務所今日公開一張李秉憲跟里安納度狄卡比奧上月喺美國一個活動嘅合照，照片中兩位型男都以黑色西裝現身，而事務所仲留言：「上月7日於美國加州洛杉磯LACMA舉辦嘅『2015LACMAArt+FilmGala』。李秉憲自2011年開始一直參與LACMA活動，跟里安納度係多年嘅好友。」據知活動係由里安納度同LACMA共同舉辦，透過活動籌集得到嘅資金，將用於博物館內有關電影及相關文化藝術嘅保護項目。

另外，女團T-ara成員孝敏噚日亦於Instagram公開跟台灣天王周杰倫（周董）嘅合照，留言：「今日嚟錄內地節目《最強大腦》！跟今日一齊演出嘅周杰倫先生，心情好激動，請大家多多支持我哋。周董仲送CD俾我哋，真係真係覺得非常榮幸！」