王浩信同陳自瑤近年頻頻傳婚變，雖然佢哋已經澄清過，不過依然繼續傳，最近仲話王浩信識得收歛，除咗同伍允龍返教會之外，仲提議同老婆接受婚姻輔導，點知陳自瑤對呢段關係死心，決心辦理離婚。其後王浩信回覆傳媒話：「哈哈，流料，冇回應。」(新聞連結： https://bit.ly/2SAGSbr )

噚晚王浩信喺尖沙嘴出席宣傳活動，大家嘅焦點梗係又係喺離婚嘅事，王浩信話：「都冇嘢回應，之前都講過晒，唔係事實嘅嘢唔回應，我希望將啲擺晒喺演藝工作上。」唔知Yoyo又有乜反應呢？佢就話：「大家都當係笑料一則，不過我最驚都係影響到小朋友，所以唔好咁傳多喇！」

同場嘅唐詩詠就好興奮話今年嘅聖誕終於有假放，本來諗住去歐洲，不過最後決定留喺香港同朋友開party，唔知到有冇約吓啲異性朋友去玩吓？詩詠就話：「希望有喇，我都想呀，個個都可以約我，到時大家可能會見到我成日都同啲唔同嘅人食飯！」仲搞笑叫大家要快啲約佢過聖誕！

精選娛聞，喺晒《娛果》
http://fb.com/appledailyent