在電影《古惑仔3之隻手遮天》中，都會記得有一幕陳小春演的「山雞」被佔據球場的古惑仔「肥屍」盤問，演肥屍的正是前港姐梁佩瑚胞弟梁焯滿。
事隔20年梁焯滿終於升呢不用守球場，自編自導網劇《江湖之社團風暴》兼任主角，題材有「洪興」、「東星」、「蔣生」等字眼，演員有大佬B吳志雄、顏仟汶、梁敏儀及林雅詩等。
在facebook專頁「港產片共享團」中有一條疑似是《江湖》的預告，不過有網民回應指預告片的收音差，旁白恍如用機頭咪收音一樣，連學生的畢業作品亦不如、字幕繙譯都非常粗糙，蠱惑仔經常用來找幫手的俚語「吹雞」，預告片竟譯作「blow chicken」、而「目中無人」的英文變成「To one's eyes there is no other」。有網民更嘲：「經濟唔好，連洪興都窮咗好多。」

「觀眾鍾意守球場」

對於網友指控，梁焯滿以WhatsApp回應表示預告片是未經修正版本，他說：「條預告片未修改完整，而且唔係我哋公司正式發佈嘅，收音部份只係備份檔案。」至於投資金額，他透露拍戲一向都是緊絀：「其實如果觀眾鍾意睇，我去守返球場都得㗎！但係我嘅年紀再做𡃁仔未必好睇。」他表示《江湖》將於聖誕節其間在網上放映。
另外，「港產片共享團」版主麥don鴻接受本報訪問時認為《江湖》製作都算認真，他說：「係認真都惹笑嘅，同埋『肥屍』（梁焯滿）識唔少幕後嘢，應該都幫咗呢套嘢唔少忙。」
採訪：何永寧