蕭敬騰、潘世亨同Ana R. 等，今日喺中環出席Moncler Genius限時店開幕酒會，蕭敬騰嚟咗香港幾日，原來係為咗同家人、長輩及朋友約會，提到之前佢宣佈唔再喺互聯網發文，蕭敬騰解釋話：「主要是因為我拍照不在行，現時會多拍片，多點互動，現在偏向影片多於相片。」

提到曾多次合作嘅前輩好友費玉清宣佈引退，問佢係咪好唔捨得？蕭敬騰就話：「要視乎在那一個角度去看，在歌迷的角度會不捨，因為會想看他的演出，在朋友的角度來看，他這個是成就階段，犧牲了自己的時間做了那麼多好的作品，他需要給予自己多點時間，做些開心的事情，我替他開心。」那對於出道11年嘅蕭敬騰，會否身同感受？佢話：「當歌手便預了，任何人為了事業也要在每一階段作出取捨。」

蕭敬騰目前忙於巡唱、推出專輯同拍戲，問佢幾時嚟香港開騷？佢就話：「要排期，今年未排到，明年一定會來，下星期會在深圳開騷，香港的朋友等不及也可來深圳。」

蕭敬騰經常到內地工作，對於大陸嘅限酬令，佢話：「這是一件非常合理的事，因為要尊重規範與規令，無論工作或私下也要接受規範、標準。工作不一定為酬勞，可以為宣傳、推廣或教育，不是一定為錢的。」

精選娛聞，喺晒《娛果》
http://fb.com/appledailyent