他形容示威者在佔領立法會這幾小時內宣讀，「有啲似《網球場宣言》」，都是透過進佔當權者有權力象徵的場所來行動，雖然最終撤退，但已展示不是一種蠻動或純粹破壞，「建構出一種意義，香港舊議會雖然仍會運作，但喺2019年7月1日之前，佢嘅精神或價值觀已經死咗，香港人如果仍想有前途，就要拋低舊議會一套，以人民當家作主，由下而上重新定義香港嘅政治價值」。
他又分析三份宣言，認為《香港人抗爭宣言》以短中期為目標，訴求是延續反送中抗爭，並對政府針對式回應；《香港己亥宣言》及《金鐘宣言》宏觀地提及政治制度問題、運動定位，並提升至以人民為主體的價值。他直言今次可能帶給中共一個很大警號，「青年人重新定義香港喺整個政治歷史發展嘅意義，未來就算中央放棄香港人都好，香港人唔會放棄自己，咁中央仲點用一種報復或強硬措施，去進一步管治或統治香港人呢？」
■記者陳珏明