【新增內容】

「香江才女」林燕妮6月1日因肺癌於養和醫院離世，享年75歲，據悉，林燕妮離世當日，由家中送院，但送到醫院時已經證實死亡，不用搶救，林燕妮離世時走得平靜安詳。林燕妮近年身體衰弱，於2011年傳患上淋巴腫瘤，但她否認其事，強調甲狀腺出現問題，後來被惡疾糾身，多次出入醫院，需臥牀休養，她於2016年患肺癌，曾接受化療及電療，可惜仍不敵癌魔。

《蘋果》向才子陶傑問及林燕妮離世一事，他表示已收到朋友短訊告知消息：「我啱啱收短訊，林燕妮近幾年冇乜見人，應該係㗎啦。」陶傑指兩星期前曾致電林燕妮，但她未有接聽，只由秘書做聯絡人：「我最後一次同佢通電話都係3年前。」問他眼中才女為人？陶傑說：「佢係香港經濟繁榮中產階級興起嘅呢一代專欄作家，性格好獨特，有自己一套，對欣賞嘅人好好。」

時裝設計師鄧達智接受《蘋果》訪問，他表示今早得知林燕妮離世消息：「係呀!我朝早先聽到，噚晚都有朋友講，但係未經證實，之前都傳過，大家誤以為佢走咗，佢冇屋企人，佢個仔好難聯絡，佢(秘書)打俾其他朋友，我係由其他朋友口中得知，我哋都有共同朋友，佢以前無綫啲舊同事，一大班人仲有同佢聯絡。」

一代才女林燕妮擁有雙碩士學位，年輕時艷壓 ball場，看盡浮華盛世，試過在名店毫不猶豫買下一件價值百多萬的紫貂皮草，出手闊綽程度連男人都望塵莫及；林燕妮在文化界同樣傳奇，不但被金庸評價是「現代最好的散文女作家」，被稱為「用香水寫作的女作家」，因她會在原稿紙上噴香水，其才氣與美貌吸引無數狂蜂浪蝶，而無綫綜藝節目《歡樂今宵》家傳戶曉的主題曲由林燕妮填詞，「EYT之父」蔡和平回應：「首《EYT》嘅歌係佢填詞，嗰時佢好新，人哋介紹話邊個得就得，young lady，幾醒。」

林燕妮曾與李小龍兄長李忠琛結婚，二人育有一子後離異，林燕妮與著名填詞人黃霑合作廣告宣傳而認識，雖然當年黃霑與華娃已婚，林燕妮背上「第三者」之名與他相戀14年，後因另一第三者介入，結束多年情；林燕妮為家中長女，有兩弟一妹，林燕妮為填詞人林振強胞姐，妹妹林雁妮早於1981年因患淋巴癌離世，林振強和林振剛亦患淋巴癌於2003年離世。