許廷鏗今日去商台宣傳新歌《神奇之旅》，今次佢嘅派台碟同MV都搵咗插畫師謝曬皮繪畫，圖中嘅佢着短褲，但入行以來被取笑粗腿，甚少以短褲出活動:「有日做運動見到蒙嘉慧，佢提我推拿瘦腳，我都會考慮吓。」

講到新歌，許廷鏗話係由佢填詞，錄歌時與樂手一起現場錄音，佢話連吹口哨同練歌聲都錄埋，感覺自然，笑謂帶聽眾一起進入神奇之旅。

稍後許廷鏗派另一首歌《原來我可以哭》，呢首歌嘅MV喺台灣拍，仲有神秘女嘉賓㖭！許廷鏗話，女嘉賓會喺片中呈現另一面。而佢嘅派台碟就好似併圖咁，放埋一齊會變成畫，佢話連派台碟都花咗唔少心思，好用心咁做。