【重口味，慎入】60歲咀36歲網民嗌嘔心 林嘉華﹕觀眾要教育吓

蘋果日報 2017/09/01 20:16

薛家燕姚子羚林嘉華父女戀燦爛的外母
    姚子羚，姚子羚，姚子羚，姚子羚，又係姚子羚！
    姚子羚最近係黃金時段兩線劇《燦爛的外母》同《同盟》都有出現，喺《燦》劇仲有大突破，36歲嘅姚子羚戀上60歲人夫林嘉華(真實年齡)，兩人有好多甜蜜場面，其中一條宣傳片見佢哋咀嘴，但唔少網民都話好難接受，似「父女戀」，有啲嘔心。
    《燦》劇一班演員今日現將軍澳宣傳，對於兩人年齡相差24年，但喺劇中就有被指係「美女與野獸」之吻。林嘉華話要再教育觀眾朋友，叫大家睇得投入啲，佢話﹕「要睇個角色同劇情，唔係只睇演員嘛。」問到錫錫前冇熱身？子羚話﹕「冇，咀得好自然。嘉華哥係好對手、好演員，我接呢部劇都係因為佢，喺佢身上學到好多。希望觀眾會接受我哋呢一pair，我哋係較成熟嘅戀愛，唔係一定係後生仔同後生女嘅。」
    而薛家燕即場唱主題曲兼跳招牌十字步舞，眾演員又在台上玩啜乒乓波遊戲，好熱鬧。家燕姐同黎諾懿承諾如果收視理想，會嘴對嘴慶功，家燕姐話﹕「前提係雙方冇作感冒，就冇問題。」諾懿即說﹕「我長期ready！」諾懿話係家燕姐身上學識做人點圓滑啲，例如曲線要求導演收工。家燕姐笑住話：「我同導演講你都攰喇，演員就話可以捱，但你係導演，要休息多啲。」
    empty
    (無綫電視截圖)
    empty
    姚子羚玩啜乒乓波，好投入。
    empty
    林嘉華話觀眾要再教育，應該睇劇情。
    empty
    家燕姐同黎諾懿話收視好，唔介意咀嘴慶功。
    empty
    empty
    empty
    empty
    林嘉華帶埋太太一齊出活動。
    empty
    于淼大露背現身。