事實證明這次（8日）沙田泥草日馬是名牌天下，須知三大騎師潘頓、莫雷拉及田泰安全日合計，分別起孖或中三元，三人共佔其中七場頭馬，其餘三Win則由史卓豐、沈拿及蔡明紹瓜分。

潘頓雖未能阻止雷神勝出騎師王，但卻海底撈月，憑熱門蘇保羅馬房「心多多」攻下最尾第十場三班草地1400米，潘頓連同在第七場贏「聰明導彈」（蘇偉賢馬房），個人整日起孖。

而蘇保羅勝出第六場頭馬「天意」(騎師田泰安)及第十場「心多多」，同樣梅開二度，與「另一蘇」蘇偉賢睇齊。

五歲愛爾蘭自購馬「心多多」單Win及組合獨贏A2分別派58及24元，本身雖已是第三季在港作賽，但至今只曾上陣六次，並取得一冠一季。

此駒有過多次傷患紀錄，包括曾經右前腿肌腱受傷，亦試過因前往配鞍區時掙脫助理員的牽引，右前蹄因被自己後腳踢中受傷而不良於行退出，上季尾起恢復健康，今仗贏來亦見姿態輕鬆，沿途守五六位下，直路殺上彈甩贏兩馬位，季內可望再傳捷報。

第十場二至四名分別是「馬友冠」、「佳運來」及「紀利雄星」。

-------------------------------
想唔想知自己財運、事業、愛情會點？參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此