「燦神」廖偉雄可算係香港觀眾嘅集體回憶，近日佢頻頻現身電視節目同舞台，唔少人都希望佢復出，為香港增添笑聲。今日佢同廖安麗，仲有車淑梅喺荃灣為主持嘅飲食節目慶功，燦神話暫時未諗住復出，因為佢喺內地嘅生意仲努力緊，等佢汲取多啲人生經驗，必定返嚟同觀眾分享。

講到噚晚客串《蝦仔爹哋2》，佢話要好好報答林建明嘅恩情，點知佢突然感性落淚話：「當年我低潮開騷時，大姐明自己買飛嚟捧場，仲幫我買咗好多辣椒醬，呢份情我點都還唔完。」