九井壽司新幹線送餐 激筍$20海膽魚生丼｜呀劍萬帥

蘋果日報 2018/03/08 12:00

九龍灣專欄地區消息蘋地呀劍萬帥九井壽司呀劍萬帥
    得知MegaBox開咗間人氣新幹線壽司店，今日經過九龍灣順便到此一食，用列車速遞壽司唔係新鮮事，到底食物質素又掂唔掂？
    位於MegaBox L9的「九井壽司」，店子簡單用上全木的裝潢，感覺非常日系，門外有個車廂打卡位，身後的車窗位置係個大電視播放住餐牌推介。同其他連鎖壽司店一樣，都係按下人數攞飛等位，同時都擺放咗少少繪本同雜誌，俾大家等位冇嘢做可以「打書釘」。而牆上有一JR新幹線路線圖的設計及天花上有四個扶手吊環燈，感覺都幾特別。
    我哋好快就搵到個卡位坐，當然兩個細路一定要坐埋邊，可以點餐同近距離見到新幹線。阿妹最鍾意就係食三文魚籽同蟹籽壽司，但係唔食啲飯囉……再唔教好佢一陣培養咗個「港女」出嚟。哥哥就八年如一日（因為得八歲），蟹柳壽司仍然係佢至愛。剛好今日嚟到正做緊限量「海膽三色迷你丼」（$20），喺開業期間6點後堂食就有，先到先得㗎！真係抵到爆！
    呢度款式唔算多（相比起元仔同板仔），不過有個好特別名字嘅兒童餐，有「太陽號」、「月亮號」同埋「星星號」。我哋叫咗個「月亮號」（$42），不過佢哋第一件事係爭住飲支益力多。每次Order最多可點選4款食品，但係如果你想見多幾次新幹線，可能你要逐樣逐樣叫先得，不過唔係每款食品都一定會用新幹線運送，好似我今日食的「月亮號兒童餐」就唔係囉。
    不得不提Menu搵唔到嘅「迷你烏冬」，我哋因為見到其他客人叫，新幹線載住碗烏冬喺我哋旁邊經過，所以先知道！職員話呢碗烏冬係「隱藏餐牌」，哈哈！最後埋單問過我先知原來唔係咩「隱藏」，只係原本碗烏冬係喺午餐同下午茶跟餐有埋，但係因為覺得太多人叫，所以將來都會列入餐牌當中，只係未可以及時更改新版本。
    呀劍評語︰價錢中上唔算貴，食物質素OK，新幹線雖是賣點，但又唔係好特別，某連鎖店更有3層幹線運送食物，不過新店企理乾淨，侍應服務態度也好，可以到此一吃。
    九井壽司＠MegaBox
    地點︰九龍灣宏照道38號Megabox9樓25號舖
    開放時間︰11:30am-10pm
    網址︰ https://www.facebook.com/KokonoiSushi/

    專欄作者簡介：
    呀劍萬帥
    最愛親子本地遊、拍下孩子喜與樂、分享生活日常事！
    Facebook link：
    https://www.facebook.com/kimfamilytravel
    empty
    好快就搵到個卡位坐，當然兩個細路一定要坐埋邊，可以點餐同近距離見到新幹線。
    empty
    門口擺咗文具俾小朋友玩，等佢哋等位冇咁悶。
    empty
    仲少少繪本同雜誌，俾大家等位可以「打書釘」。
    empty
    牆上有JR新幹線路線圖的設計及天花上有四個扶手吊環燈，感覺幾特別。
    empty
    呢個妹最鍾意就係食三文魚籽同蟹籽壽司。
    empty
    「新幹線」送餐。（官方圖片）
    empty
    開業期間做緊限量「海膽三色迷你丼」($20)，先到先得！
    empty
    呢度有特別名字嘅兒童餐，有「太陽號」、「月亮號」同埋「星星號」。
    empty
    兒童餐係用下面的輸送帶運送。
    empty
    皇帝蟹捧壽司$16。
    empty
    牡丹蝦刺身$35，見到都流哂口水。
    empty
    三文魚加州卷（$28）好好味，食到我淨番最後一件先記得影相。
    empty
    火灸芝士熟蝦壽司$22
    empty
    迷你烏冬係「隱藏餐牌」！
    empty
    九井壽司價錢唔算貴，食物質素OK，雖然新幹線唔係好特別，不過新店企理乾淨，侍應服務態度也好，可以到此一吃。