年輕人走過華富理髮公司，定必過門不入。老舊的外貌，貼上茶色玻璃紙，像似了無生氣，卻跟這條老人邨出奇地相襯。推門內進，一位銀髮老師傅，戴着老花鏡，正拿着剪刀動作麻利快捷的為一名相識30多年的老街坊理髮。客人的一頭青絲，變了白髮，再由濃密變稀疏。理髮師和客人這樣說說笑笑已經幾十年了。
周朝淦今年七十有一，老店開了45年，他工作了44個年頭，比現任老闆更老資格。「呢度甩皮甩骨喇，好危險，應該重建，但係唔捨得啲街坊呀！」

黃金時期樓面逾千呎

周師傅廿多年前已搬到大埔居住，但仍堅持每天長途跋涉到華富邨上班。儘管女兒從事金融投資，收入豐厚，並經常催促老父退休享福，但周師傅說：「我返嚟消磨時間箒，喺屋企好悶㗎！」
年關將近，理應是髮型屋生意高𥧌期，但店內人流稀疏，三位老街坊坐在一旁玩啤牌，竟有點像……老人院！別看老店今天小貓三幾隻，老闆高鏡清30年前接手的時候，正值店子黃金時期，共佔兩個舖位，分男女賓部，樓上單位用作員工宿舍，合共逾千呎。三年前縮減至一個舖位，「一係雙倍租，一係市值租金，消費得起嘅都搬走晒！」高老闆慨嘆。
華富邨屹立近半個世紀，回想前塵，周師傅目光飄到店子對開的公園，「嗰陣同我捉棋嗰幾個，全部走晒，好多年無捉咯！」