天下武功,無堅不破,唯快不破!阿仙奴終於醒了,踢出爽朗嘅一仗,就算靠對手擺烏龍先贏2:1,唔係好漂亮,穩步上揚今季前景仍然佳。但中前場正選六人小組,艾朗藍斯就好似局外人,上季已點出艾朗藍斯與韋舒亞一對英系球員喺阿仙奴進攻體系問題,今仗藍斯踢咩位?不同英國媒體有話佢踢防中,亦有話佢踢右中場,無錯佢都好勤力,中前場四圍走,但防中冇高基連硬淨,進攻中場咩,冇奧斯爾卡索拉傳球質素,左中場咩,又冇山神突破能力,但又唔甘心踢右中場,搞到四不像,雲格要好好處理藍斯問題,如果係我,就正頭出禾確特或張伯倫打正選右翼,同山神雙翼齊飛好過。
文:牽牛
【戰果速遞】
「季前三冠王」阿仙奴在周日作客水晶宮,由射手基奧特加上對方球員擺烏龍的情況下,以2:1擊敗對手,全取3分。
今場賽事阿仙奴是先有機會取得入球的一方,他們在7分鐘一次反擊機會,奧斯爾和阿歷斯山齊士合作,但後者的射門被麥亞瑟護空門。16分鐘,槍手打開紀錄,基奧特終於再次發揮出射手本色,接應奧斯爾的傳中車身射入。不過,水晶宮在28分鐘追成平手,祖爾禾特接應麥亞瑟的回傳,禁區頂第一時間抽射入網。兩隊在半場踢成1:1平手。
下半場開賽僅10分鐘,阿仙奴就再次領先,當時阿歷斯山齊士接應傳中頭槌攻門,水晶宮隊長迪米恩迪蘭尼欲解圍,卻把皮球誤送入自己龍門。加上域咸其後在禁區施射中柱彈出,水晶宮最終都未能平反敗局。阿仙奴以2:1取勝,首輪賽事滑鐵爐後,總算能夠打開今季勝利之門。