當年今日
關於我們

【得閒郁多啲】闊太少運動 楊婉儀馬場拋波手軟

蘋果日報 2016/11/06 19:59

港姐冠軍楊婉儀練馬師

1995年度港姐冠軍楊婉儀自從喺03年嫁咗畀前練馬師王登平之子王瑞勳之後,專心相夫教子,年前更淡出娛樂圈,只偶爾出席公開活動,今年更開辦教育中心,發展個人事業。
要兼顧家庭同事業嘅楊婉儀,今日趁住星期日家庭日,同埋老公仔女,喺下晝5點幾現身跑馬地馬場草地,同行仲有一成年男友人及其一對子女,一行7人喺草地玩。主力係班男士打欖球,佢哋互相將個波拋嚟拋去,現年46歲嘅楊婉儀起初係幫吓手影相,後嚟都有加入一齊玩,唔知係咪體力唔夠,見佢拋咗幾球就摸手臂,玩咗一陣就放棄咗,仲問老公攞番電話,坐埋一邊玩手機。至於佢對仔女Hannah同Jonah,就自己同同行嘅小朋友玩,囡囡Hannah久唔久都會同媽咪傾吓佷咁。
玩咗一輪要走喇,楊婉儀孭起背囊起行,兩位男士仲係邊行邊講,喺走嗰陣,班小朋友見到有個單槓架,就衝晒埋去玩倒掛,班大人就睇住佢哋玩。之後一行7人穿過隧道離開,臨別仲揮晒手講bye bye。