王灝兒（JW）、余香凝及郭秀雲等今日到荃灣出席活動，近日忙於宣傳新歌《逃生門》的JW，透露將為歌迷炮製驚喜：「我第一次同周國賢合作，多謝佢咁信任我。其實我聽過佢唱嗰個demo版本，真係好難唱，我都好想聽佢唱，有可能會做個合唱版。」

談到中秋節，JW表示會到澳門工作，未知男朋友會否同行：「食飯造節就一定會，但未肯定點安排。」她指小時候每年中秋都去維園玩燈籠，亦喜歡吃月餅：「細個專揀啲蛋黃食，一次可以食半個，而家唔敢食啦，食好細件。」JW曾親手造芋頭千層酥月餅，大讚自己手技不俗：「我食咗兩舊架，唔知Daddy Mommy最終有冇食，不過男朋友冇食過囉。」

郭秀雲表示中秋節會留港，問到兒子龐景峰會否帶女友陪她慶中秋？郭秀雲大讚她很好：「我哋成日見，佢好入屋，有時我攰又有茶、有糕點招呼，佢好好。」

另外，向來關注動物權益的她，被問到警方經常帶同警犬到示威現場執行職務會否不恰當？郭秀雲說：「因為呢段時間，我唔喺香港，俾唔到好多意見。但係無論警方，又或者後生仔覺得好憤怒，要記住大家都係香港人，為香港和平去傾下啦。」

採訪：盧妹
攝影：林賓尼

-----------------------------
【撐學生】
召集有心人 撐學生全年睇《蘋果》
立即按此