南非冠軍騎師希威森喺香港跑咗三個半月，仍然未開齋，騎功同莫雷拉、潘頓等好手有一大段距離。

可是希威森近期嘅支持度有回升跡象，其中一個原因係有唔少騎師停賽，今期只得19人，可供練馬師選擇嘅騎手唔多。

另一原因係呢位22歲小將嘅工作態度認真，晨操經常忙過不停，無論馬匹有冇報名出賽，佢都樂意跨上馬背快跳慢踱，所以練馬師都樂意提供座騎，當然希威森能否如願取得「零的突破」，就要靠佢自己。

今晚（18日）谷草第三場四班1650米，韋達隻「紅粉彩影」一連兩仗接近，但今場抽到12檔，唔容易拼勝。

至於其南非同鄉苗禮德就喺第六場四班1200米，向森仔提供「心所欲」。

此駒上賽喺雷神胯下出戰田泥1200米，被捧成3.6倍大熱，結果大敗15.75個馬位，賽後驗出氣管有大量血液。

「心所欲」一對前腳都有傷患問題，所以服役到第三季只跑咗七場，但每次唞夠後復出嘅首仗表現最好，似乎呢隻馬最適合跑新鮮感，蓄銳一擊。

此駒上賽大敗後操練完整，但老苗並唔急安排上陣，而係等足兩個月，讓佢儲夠體力先上戰場，今場抽到2檔靚位起步，「心所欲」可以話係一路奇兵。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇