好耐未見過炒一個板塊可以咁瘋狂！熱錢全線去炒內房股，由一線到九線都炒齊。大行全面唱好，話阿爺再出招打壓機會好微，負面因素消除，總之一個字：買！
現階段好多散戶跟風炒作，套用德國股神金句──「股票由意志堅定的人（大戶），轉去意志薄弱的人（散戶）。」可以預期，內房股距離大調整不遠了。
魏力最鍾意呢類市，因為跟得快、好世界，要沽仲有大量散戶跟風，畀你靚價任沽。上周四魏力已出清所有內房股，目前睇好似沽早了，但其實早一步將注碼換入下一個Re-rating板塊，除笨有精。

咁邊個板塊係下個目標？近日參考了唔少大行報告，均視明年為經濟復蘇的一年，特別係內地經濟，當中汽車業為重中之重，因可同時帶起內需、工業及基建業，一舉至少三得。近月被中日風波拖垮銷售的東風汽車（489），股價仍處低位，是可趁機入場博Turnaround之選！
野村最新報告指，經歷9至10月的銷售低潮後，11月東風日產及豐田銷量已極速反彈，預期明年可大翻身。如安倍晉三當選首相，可望推出量寬措施谷經濟，圓滙貶值下，日系車銷情料將更佳。11蚊樓下吸納東風，短線先睇13.50元。
http://www.facebook.com/2012jason

魏力