當年今日
關於我們

【#那星星】容祖兒聞鮑魚 過氣蜜友何韻詩:使唔使咁串

蘋果日報 2018/06/12 16:48

黃偉文何韻詩蘇永康容祖兒

填詞人黃偉文(Wyman)喺娛樂圈有好多friend,上月49歲生日同幾十位老死慶祝(新聞連結: https://bit.ly/2kwpKEO ),包括撲朔迷離嘅「龍兒戀」男女主角容祖兒同劉浩龍(師兄),噚晚Wyman又約咗祖兒飯聚,仲喺社交網貼祖兒聞鮑魚相片,抵死寫道:「容祖兒與鮑魚#當一朵花嚟聞#好詩意#好優雅。」估唔到吸引到祖兒嘅過氣蜜友何韻詩現身留言!
相中嘅祖兒戴咗一隻浮誇星星型耳環,比美味鮑魚更加搶眼,搞到Wyman呢個post完全錯重點,網友留言:「替容小姐耳朵好痛」、「隻耳環可能重過隻鮑魚。」不過,更觸目嘅係,吸引到祖兒嘅「過氣蜜友」何韻詩留言:「隻耳環洗唔係咁串#星#那星星」
那些年祖兒同阿詩關係密切,惟12年「龍兒戀」公告天下後,當年身為祖兒蜜友、師兄舊愛嘅阿詩慘成輸家,喺社交網狂呻被多年好友出賣,形容為「一刀直插心臟」,甚至避走台灣療情傷。直至近年,祖兒同阿詩才喺網上恢復邦交。
噚晚蘇永康(阿公)一家三口都有份飯聚,阿公喺社交網貼合照並留言:「在下人生最大得着並非在樂壇上那丁點兒成績,而是我得到生命其中最寶貴的一樣東西,亦即演藝圈最難得到的東西,這叫做友誼!感恩生命裏有我身旁兩位雙子座以及另外一位不在鏡頭內的雙子座,千言萬語不能形容,總之一切在心中。」
精選娛聞,喺晒《娛果》
http://fb.com/appledailyent
empty
容祖兒聞鮑魚(網上圖片)
empty
何韻詩留言取笑祖兒(網上圖片)
empty
祖兒、黃偉文、蘇永康一家三口飯聚(網上圖片)