謝安琪(Kay)上年追囡成功，計埋囝囝張瞻，湊夠個「好」字，Kay諗住停工三年專心湊囡，今日有周刊指Kay計劃喺今個月20號去沙田仁安醫院，迎接B女出世，之前有傳Kay想生完呢胎後，做結紮手術，報道指Kay忽然改變主意，想明年試吓再追多一個。

Kay今胎想自然分娩，據知喺肚裡嘅B女，兩週仍未掉頭，屆時可能要開刀生，而人夫張繼聰今個月中要去上海拍電影，不過為咗見證囡囡出世，佢講明老婆生得就要返去，要親手幫囡囡剪臍帶，報道又指張繼聰都好享受做經濟之柱，希望老婆唔好咁辛苦，Kay亦唔會心急想復出。