李八方online︱有線中國組「最後倒數」 以四集武肺專題「重磅」報道告別
蘋果日報 2020/12/27 21:29
有線中國組李八方online有線裁員
報道聽晚﹙28日﹚起一連四晚9點半喺新聞台《有線中國組》時段內播出，可以喺中國組Facebook專頁收睇，同中國組一齊倒數。
有線新聞部早前喺未有諮詢部門主管下黑箱裁員，觸發中國組等多個皇牌部門要員集體辭職。內地爆發疫症初期曾冒險到武漢採訪嘅有線中國組，亦趁疫症一周年推出武漢肺炎專題報道，重返武漢走訪死者家屬、義工同前線醫護，呢個系列估計會係佢哋喺「有線快樂新聞部」嘅最後一擊。
集體請辭抗無理裁員，現有有線中國組做埋今年就完，佢哋今日喺Facebook出post宣傳新有關武漢肺炎嘅專題報道，亦都hashtag「最後倒數」。作為最後一擊，呢個專題報道亦十分重磅，佢哋喺武漢爆發疫症一周年重回當地，走訪死者家屬、義工和前線醫護，希望反思呢場世紀疫症帶嚟嘅教訓。
有線中國組做埋今年就完，佢哋今日喺Facebook出post宣傳新有關武漢肺炎嘅專題報道，亦都hashtag「最後倒數」。有線中國組Facebook截圖
一連四集主題分別係《未忘人》、《逆行者》、《主旋律》同《吹哨聲》，每集都帶出一個問題，關注失去至親嘅家屬如何走下去、當局宣稱靠制度優勝打贏保衞戰，義工嘅角度又係點，亦探究內地當局點樣塑造主旋律，對外對內宣傳抗疫成就，最後透過前線醫護同早期病人，重組時序，質問當局有冇汲取教訓。
中國組嘅帖文引述一名化名王鵬嘅武漢醫生嘅說話：「（最早公佈疫情的內地醫生）李文亮是白死了。現在的醫生非但沒有繼承該說實話，反而是嘴巴被捂的更嚴。」佢哋嘅報道有乜嘢答案？似乎由呢句說話可見端倪，詳情當然有待報道出街。
報道聽晚（28日）起一連四晚9點半喺新聞台《有線中國組》時段內播出，尚有訂有線嘅可以去睇，冇訂嘅亦可以喺中國組Facebook專頁收睇，同中國組一齊倒數。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！