當年今日
關於我們

【Chill人生活】擰蓋式水樽最污糟 用家:每個鐘飲兩三次

蘋果日報 2018/09/06 21:00

水樽含菌量廁所板揭蓋式擰蓋式吸啜式吸管式

為了測試不同水樽的含菌量,《蘋果》找來8個測試者試用4款市面常見水樽,分別為揭蓋式、擰蓋式、吸啜式、吸管式,當中發現擰蓋式水樽的含菌量最高,檢驗出含菌量最高的測試者阿淳表示,即使有這樣的結果,但也決不會轉而購買市面的樽裝水,「我寧願洗返乾淨啲個水樽,都要堅持用返可重用水樽」。
任職NGO項目主任的阿淳指,在測試的一星期裡,主要是外出或做運動時才會使用該水樽,「喺office時就會擺咗喺檯面,平均每日都有飲到3樽水,每個鐘頭都飲2、3次左右」,飲用過後,每天都會簡單以清水清洗水樽,「我就無次次都用洗潔精,都係用水喉水沖兩沖咁樣」,對於檢驗出使用的水樽的含菌量高達17,250,000(CFU),阿淳感到有點驚訝,「可能係我洗樽洗得太求其,但原來驗出嚟係咁高含菌量,我第時會小心啲,同埋無諗過呢款樽會咁高」。阿淳表示,即使是次結果顯示水樽的含菌量高,但她仍然決定使用可重用水樽,「即用即棄嘅樽裝水好似好衞生,但之前有報告話樽裝水9成都有微塑膠,考慮種種因素之後,我就寧願洗返乾淨啲個水樽,我會堅持用可重用嘅水樽」。
是次測試有一半測試者會每天以清水清洗水樽,但結果發現有些同款水樽,有清洗的水樽比起沒有清洗的含菌量為高,香港高等教育科技學院食品與健康科學學系特任導師黃浩賢建議,若想水樽的含菌量較低,應進行徹底的清潔,「清洗水樽時可以用一啲食物許可嘅清潔劑,再搭配洗奶樽嘅刷去徹底清潔」。家庭醫生鄭志文也建議,「應該買啲易清洗嘅水樽,每次飲完返到去都應該清洗同埋倒返轉個水樽去晾乾佢,如果個口係污糟,飲完應該用洗潔精清洗」。
記者 李雨夢
empty
測試者李康廷使用的吸啜式水樽驗出總菌量最低,只有1,055(CFU)。彭志行攝
empty
測試者阿淳所使用的擰蓋式水樽總菌量高達17,250,000(CFU),她指可能是清潔不足,但不會轉用即棄型樽裝水,日後會加強水樽的清潔。彭志行攝