亞視面臨清盤，本月初已停播晨早及午間新聞，只維持傍晚6點的《六點鐘新聞》及晚上10點半的《夜間新聞》繼續廣播，以符合《廣播條例》的最低要求，但亞視網站今日中午最新的節目表顯示，今日起連傍晚和夜間新聞時段都已被取消，已違反本地免費電視服務牌照規定。(新聞連結: http://bit.ly/20fw6UG )

今午亞視公關黃守東代表亞視宣佈，在新聞部主管評估過客觀形勢後，由於喺人手同其他各樣客觀條件選擇下，暫停亞視各個頻道各節新聞報道，「好多謝傳媒及公眾對亞視嘅關心，我諗我以及所有同事，包括所有亞視新聞部同事都係最專業既傳媒工作者，過去無論順景逆景我哋都克盡己任，堅守傳媒工作者角色，去為市民廣播及做一啲新聞節目，無奈地亞洲電視現時情況，相信大家透過各位傳媒報道都知悉，我哋新聞部主管係評估過新聞部客觀嘅形勢後，由於在人手及各樣客觀條件底下，我哋喺別無選擇情況下，暫時係會暫停各個頻道嘅新聞報道。」

黃守東稱，是否復播，要等到過埋農曆年新年假期後才知:「喺董事會及新主政行政人員或其他一啲狀況改善，我哋先會考慮係咪會恢復新聞廣播。喺呢度亦都多謝市民，各界對亞洲電視及亞洲電視新聞嘅支持。」

「另外，關於我哋廣播上，現階段以我所理解，亞洲電視喺頻道廣播上現階段係能夠維持基本運作，工程部各組主管及工程部負責同事，無時無刻都係度評估緊實際情況，會作最適當安排，現階段以我所知，亞視係會維持最基本運作。」

問及新聞部剩幾多員工？黃守東表示:「具體不便透露，如果講新聞部情況。」昨日有報道指亞視人事部解散，那員工追討薪金有困難？「我諗都係要等農曆新年後，睇睇董事會及公司管理層實際情況係點。」