《第37屆香港國際電影節》開鑼，當中電影《忠烈楊家將》世界首映禮今晚於尖沙嘴文化中心舉行，鄭少秋、鄭伊健、林峯、周渝民（仔仔）同吳尊等換上白色西裝撐場，現場以秋官同林峯嘅fans最多。秋官透露女女好喜歡仔仔（周渝民），本來打算到場，但最後改變初衷。

問到仔仔女友會唔會支持？仔仔就顯得好避忌：「我會推薦給所有朋友，我不習慣說感情事！」

對於吳千語表明要包場支持男友，林峯就話：「包場支持吓係要嘅，不過我唔會同佢一齊睇，因為要返內地拍戲，今次返香港都有一齊食飯。」

另外，蒙嘉慧（YoYo）日前自爆獲奶奶愛錫，問到伊健，媽咪係唔係最錫YoYo？伊健說：「今日唔方便答呢啲，媽咪對佢好好！」





「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。

公投網址： http://facebook.com/AppleDailyGoldenPlum