日本名導是枝裕和執導新作《小偷家族》於當地已累積逾42億日圓（約2.94億港元），中國將於明天開畫，相信可帶動電影全球票房收入，男主角Lily Franky日前偕同片中7歲小童星佐佐木光結到北京宣傳，「父女重逢」於中國辦首映禮，更獲累積30億人民幣票房嘅大陸賣座電影《我不是藥神》導演文牧野拉隊力撐，帶同片中演員章宇、王傳君到首映造勢，佐佐木光結就對大會送上嘅熊貓公仔愛不釋手。

《小偷家族》兩位童星在片中相當搶戲，只得11歲嘅城檜吏被視為係康城影帝柳樂優彌接班人，佢將演出山崎賢人主演嘅富士電視台新劇《Good Doctor》，城檜吏會在下星期嘅第五集出現，扮演一個高音天才歌手，由於係佢首次參演主流日劇，而且角色亦有難度，城檜吏自言有啲緊張。不過城檜吏有唔少演出經驗，佢更係一隊細路仔組合「Star Men KiDS」成員之一，認真多才多藝！

精選娛聞，喺晒《娛果》
http://fb.com/appledailyent