【七一戀殖】《十八樓C座》茶客現真身 周老闆：而家鬧人冇60年代咁激
蘋果日報 2018/07/01 05:20
商台周老闆香港歷史十八樓C座長壽廣播劇民生節目
後排左起：李錦、吳惠玲、何文光、編劇丘思陶、泰山、伍甄琪、陳聰；前排左起：朱雪梅、陳慕賢、金剛、監製馮志豐。
講「香港五十年不變」，大家嘿一聲已成笑話。除了廣播劇劇種少咗，講對白快咗、周老闆同三姑等都覺得，近年對白冇60年代咁激，「五成都冇呀！六七暴動嗰時，鬧人卑鄙下流無恥賤格；而家連五成都冇呀？不過而家又唔會咁鬧人嘅。」
金剛 聲演周老闆（1967年加入）
演活「顧客永遠是對的」孤寒老闆。某集曾揭發周老闆不停翻煲咖啡渣，是70年代道地生意人性格。
陳慕賢 聲演無牙三姑和阿紅（1971年加入）
「而家嘅時代節奏快，講對白都快過以前好多呀！」無牙三姑人好善良，成日求神拜佛的；97前香港人仍視來港大陸人為阿燦，常被周老闆取笑，但近年「強國崛起」，就設計了一個貪錢、聲大大不服輸的北方阿姨阿紅，反映了時代變化。
朱雪梅 聲演祥嫂（1967年加入）
梅姐覺得現今最大的分別是，過去要自己做音效，現在則有電腦代勞。但現代社會動盪多了，社會議題講不完。
阿錦 聲演阮南安和度叔 （1985年加入）
阿錦演過大編輯，又演過越南仔阮南安：「當時正值越南難民潮來港，便誕生這角色。當年我特意去越南人出入的地方，留意他們說話語氣，把尾音拉高拖長來演呢。」還飾演慳家度叔，把一個70年代低下階層小人物反映出來
記者：陳慧敏
攝影：伍慶泉、鄧鴻欣、鄭明川
（部份圖片由受訪者提供）
攝影：伍慶泉、鄧鴻欣、鄭明川
（部份圖片由受訪者提供）