‧HaHa、金鐘國同Gary接力唱歌，金鐘國仲大跳碌地舞
‧《RM》抽粉絲上台送海報
‧台照環節，智孝任人攬
‧螢光幕播出RM五年來嘅片段，眾成員企喺台上全神貫注睇，場面感人。
‧眾成員一齊向粉絲鞠躬
‧光洙整心心手勢畀大家，仲行到台前最尾尾同粉絲影大合照。
‧《RM》全體唱緊金鐘國最紅嗰首歌《可愛》，劉在錫大做心心手勢


HaHa、金鐘國同Gary接力唱歌，金鐘國仲大跳碌地舞，十分搞笑。完咗一輪表演後，劉在錫就話雖然今晚表演得唔多，但希望大家enjoy個騷，金鐘國亦話：「多謝大家嚟睇呢個騷，自己會好努力。」

《RM》抽粉絲上台送海報，但個粉絲喺台上唔肯走，死都要同佢哋影相；而各成員都好親民，亦十分樂意同粉絲影相。當中智孝嘅人緣最好，唔少上台粉絲都話要攬攬佢。《RM》企喺台前同全場粉絲影合照，而同一時間台上螢光幕就播出佢哋五年來嘅片段，佢哋都企喺台上全神貫注睇住啲片段，十分緬懷。

啲片亦都播住粉絲啲心聲，當中有粉絲就話：「無論幾攰都好，大家都一齊走落去。」所有成員都睇得好感動，劉在錫話好多謝大家，亦都唔知講咩好，之後一齊向粉絲鞠躬。

劉在錫帶頭叫成班成員行上前，照顧在場所有粉絲，向每邊粉絲講多謝，光洙更十分識做整心心手勢畀大家，仲行到台前最尾尾同粉絲影大合照。

《RM》全體唱緊金鐘國最紅嗰首歌《可愛》，劉在錫大做心心手勢，全場一齊合唱，high爆全場。HaHa唱唱吓仲摸金鐘國大髀，又勁齊整咁跳招牌舞。