地產多聲道：中原促銷宇晴軒贏金盃
蘋果日報 2003/12/12 00:00
長沙灣宇晴軒噚日頒獎畀曾經中途離場，最近重回促銷班子嘅中原地產。
為咗搞吓氣氛，中原西九龍區經紀穿着整齊球衣出席，由長實高級營業經理郭子威即場頒發「金靴」、「金球」兩個大獎，表揚兩位出色嘅經紀；最後嘅高潮係中原執行董事陳永傑捧住個偽「雷米金盃」出場。
中原美孚一手組許永生Sam，上個月單人促成12宗宇晴軒成交，係11月開單最多嘅營業員，所以獲頒寓意入球數字最多嘅「金靴獎」；至於美孚一期分行王少鋒Andy，上月成功替一名投資者一口氣連購8個單位，射入最漂亮嘅一球，得到「金球獎」。
頒獎禮過後，亦意味着另一場比賽又要展開，球員又好，經紀又好，都要繼續衝鋒陷陣，保持成績。
小超人為藝術樂意被揼
2004年香港藝術節明年2月開鑼，身為協會主席嘅李業廣噚日話，一兩個月前已向長實「揼心口」。作為贊助商，長實副主席李澤鉅被問到個人喜好，就謙稱藝術修養唔及老婆王富信；至於佢自己就最喜歡聲樂大師BobbyMcFerrin嘅作品。明年藝術節亦請來McFerrin演出，不過，聽聞已經賣晒飛！
為咗搞吓氣氛，中原西九龍區經紀穿着整齊球衣出席，由長實高級營業經理郭子威即場頒發「金靴」、「金球」兩個大獎，表揚兩位出色嘅經紀；最後嘅高潮係中原執行董事陳永傑捧住個偽「雷米金盃」出場。
中原美孚一手組許永生Sam，上個月單人促成12宗宇晴軒成交，係11月開單最多嘅營業員，所以獲頒寓意入球數字最多嘅「金靴獎」；至於美孚一期分行王少鋒Andy，上月成功替一名投資者一口氣連購8個單位，射入最漂亮嘅一球，得到「金球獎」。
頒獎禮過後，亦意味着另一場比賽又要展開，球員又好，經紀又好，都要繼續衝鋒陷陣，保持成績。
2004年香港藝術節明年2月開鑼，身為協會主席嘅李業廣噚日話，一兩個月前已向長實「揼心口」。作為贊助商，長實副主席李澤鉅被問到個人喜好，就謙稱藝術修養唔及老婆王富信；至於佢自己就最喜歡聲樂大師BobbyMcFerrin嘅作品。明年藝術節亦請來McFerrin演出，不過，聽聞已經賣晒飛！
數碼產品全城大熱，人人要玩數碼相機，個個想換手提電話，打正旗號專賣手機同數碼產品嘅佐敦「數碼講」商場，即時成為投資熱點，早前內購已賣咗30個舖位，呎價升到去萬二銀；一位從事西餅行業嘅大客，重一口氣買咗5間舖，總值500萬。
中原地產商舖部總經理潘志明話，今日會公開發售餘下約70間舖，售價將調升5至7%，面積由70至200幾呎，有銀行為買家提供最多六成按揭，息率最低3厘，供款年期最長12年。
同中小型住宅唔同，豪宅買家通常對物業地段較為講究。嘉華地產喺九龍琵琶山嘅豪宅新盤嘉珀山，前身係警察宿舍，住過唔少警司級人馬；附近亦有其他高級公務員宿舍，聽講前運輸署署長梁文健同埋前地政公務司陳乃強都住過喺度，咁多高官雲集過，唔怪得嘉華將佢定位為世紀大宅，重話物業用料比同系九龍塘嘉皇臺高幾班。
為咗突出樓盤位置優越，嘉華特別搵人同個盤整咗個徽號，寓意物業兼具古代城堡氣質同埋現代華貴氣派。負責物業設計嘅設計師，就係啱啱攞咗亞太區室內設計大獎嘅梁志天。
新地成日話以心建家，除咗起樓落足心機之外，原來都好熱心參與社會服務。由集團員工組成嘅義工隊「新地義工TEAM力量」，早排一連參加咗兩次社區活動，最大陣仗係出動成百人參與由香港盲人輔導會主辦嘅「手牽手光明行」慈善步行籌款活動，新地重捐咗10萬銀善款。
另一次係密密手織冷頸巾，參與人數更加多，超過450人織咗1500條頸巾，平均每人織咗3.3條，參加社署嘅「傳心傳意─全城送暖新里程」冷頸巾編織活動，攞埋季軍㖭。
永泰亞洲同南豐合作嘅西貢新盤溱喬，最快明年中至賣。不過，賣親樓都挖盡心思嘅永泰企業拓展總監李簡鳳玲，噚日隆重其事召開記者會，解釋個樓盤名。
話說Giverny係法國巴黎附近一個風景優美兼充滿靈氣嘅小鎮，19世紀印象派名畫家莫奈喺嗰度一住40年，名畫《白帆》正係描繪該鎮嘅風景，自此成為名勝區。李太話莫奈筆下嘅Giverny，環境同旗下新盤好近似，有山有海有小船，就地取材命名Giverny；中文名溱喬，係取其讀音及字形組合而成。
蘭西
電郵地址：
小超人李澤鉅（右二）被「長江一號」李業廣（左一）揼心口贊助明年香港藝術節，相信在公在私都好樂意。
程志遠攝
程志遠攝
已正名為嘉珀山的郝德傑道1號，住過唔少警司級人馬。
新地義工隊參與步行籌款活動，起步前影番張大合照，果然人強馬壯。
莫奈筆下嘅Giverny有山有海有小船，李太話環境同溱喬好近似喎。唔知房協旗下嘅玉蓮臺，同大師嘅名作《荷花池》又有幾分相似呢？