當年今日
關於我們

巴塞偷獵盧卡斯利馬 山度士決定告上FIFA

蘋果日報 2017/06/27 17:15

山度士巴塞隆拿西甲盧卡斯利馬

西班牙傳媒已經廣泛報導,巴塞隆拿已經簽入巴甲山度士中場盧卡斯利馬,仲話呢位26歲中場將會明年1月報到,雖然巴塞同盧卡斯利馬本人未證實,但已經涉及偷獵球員,山度士仲準備向國際足協提出上訴添。
盧卡斯利馬同山度士嘅合約到今年12月底先到期,根據國際足協規定,其他球會要喺完約半年前先可以向利馬接觸,即係7月1號之後,山度士就話巴塞明顯犯規,仲喺官方網頁公告,盧卡斯利馬轉會已經進入司法程序。山度士同巴塞嘅瓜葛都唔係第一次,2013年巴塞收購尼馬,山度士已經投訴佢哋偷偷地接觸球員。