讀書時乜車都唔識，見到架兩個位扁撻撻嘅跑車，仲以為係拉利，到偶像馬榮成搵到錢都買咗架，先知佢個名叫NSX， 屬日本國寶級超跑。中置偈尾轆車，預咗難操控，對住呢堆成廿歲嘅NSX，忠心Fans邦哥居然話維修同保養同普通Honda車一樣咁Easy。 記者：徐影龍 攝影：譚盈傑

捧住現金都要買

凌志超跑LF-A全球矚目，其實早在八十年代，Honda最強超跑NSX，已經雄心萬丈要挑拉利機，將F1車隊數據，瘋狂擺落NSX度，包括引擎、波箱同懸掛等技術。NSX的確好靚好勁，不過開發同成本太重，導致近百萬身價太高門檻，當年唔係太多人捨得花咁多錢買日本車，到06年已經係最後一款。香港啱啱出現首間專營NSX買賣同維修嘅公司，老闆邦哥就話幾貴都值得：「成班老友細細個已將NSX當成DreamCar，唔只個款未Out，淨係副偈同賽車技術，到今日睇仍然好勁，而且仲會升值！」又唔係真正古董車，點升呀？「因為之前911事件引起經濟問題，令到好多車主放番啲靚車出嚟，二手NSX交易多到不得了，最平見過8萬蚊有交易。到今日當然升番晒，有個朋友就要用29萬買架91年NSX，咁高車齡好難上車會，就算捧住現金佢都要買！你咪以為超跑就事必難整難養，由於NSX唔會太多電子科技嘢，而且當年突破性採用唔生銹嘅鋁合金車架，所以維修同保養都好簡單，基本上同打理架Civic、雅廓等普通Honda車一樣咁輕鬆，加上香港唔超過40架，所以二手價先咁高。」

心情好易駕馭

新NSX量產？

NSX停產，不過佢喺賽車場上仍然老當益壯，到今天日本最勁嘅GT500，Honda仍然派佢參戰。可惜NSX經歷金融危機第二劫，08年HondaCEO福井威夫不情願都要宣佈，已終止開發新一代NSX。話雖如此，09年失驚無神有部首配V10引擎嘅NSX落場鬥車，引嚟全球車迷喝采，更認為5.5LV10版NSX快將量產。不論係咪美麗嘅誤會，睇見「末來」NSX型成咁，我都希望佢出得成。