因為「明福俠」嘅關係，黎明成為咗網絡紅人，唔少網民覺得佢嘅話題好貼地，大家都讚佢夠親民！啱啱榮升做「父王」嘅黎明，最近又拍咗一輯新廣告，喺裡面一人分飾多角，先見到佢好頭痕咁喺狂用電腦，用完電腦之後，即刻勁鬆口氣去嘆咖啡！

因為香港嘅樓價越來越貴，結果唔少地產都推出好多300方呎以下嘅納米盤，呢啲嘢查實又真係幾難同黎天王扯上關係，點知喺片段又見佢玩類似瑜珈嘅芭蕾動作！雖然黎明貴為天王，但係佢一啲架子都冇，喺現場同啲工作人員有傾有講，拍攝嗰陣仲爆金句，佢搞笑話：「『好』同『唔錯』係差好遠，只要有距離嘅嘢都可以被無限放大。」

精選娛聞，喺晒《娛果》
http://fb.com/appledailyent