有政界人士指,鄭麗琼在社交網貼文,「最多咪話佢觸犯差人起底個禁制令,但𠵱家用條史前法例告煽動謠言,好多法律界鬧根本咁做法係違反人權法,但差人可以照用嚟拉人」,連一些較保守法律界人士也對他說,警方用有關法例拉鄭麗琼有問題,但更令不少人擔心的是,鄭在社交網轉發文章,根本不涉任何煽動他人作犯法行為,「明明唔關煽動事,都可以用煽動罪告,即係以後任何人、講任何嘢,只要差人唔滿意就可以告你煽動謠言,咁已經唔止係以言入罪,而係講任何嘢都可能有罪」,該政界人士形容今次事件「比23條更毒」,「23條都講明涉國家安全,𠵱家係乜都可以拉」。
民主派區議員則說,今次事件反映林鄭政府正以「兩條腿」方式追殺民主派控制的區議會,第一條是行政打壓,「林鄭政府全面不配合區議會,甚至用行政方式阻區會做嘢,廢咗個區會」,另一條則是以警權打壓,他更相信背後有北京授意,「用公權力打你,又拉又鎖,想打到你怕,呢啲咪典型北京政法委手段,背後咪北京控制」,但他指有關手法只會令民主派、市民反彈更大,「積積埋遲早再大爆發一次,重演半年前抗爭」。
季陶
周一、三、五刊出