【韓流】中韓戀斬纜 大陸女星張儷發聲明宣佈與朱鎮模分手
朱鎮模張儷
韓劇《奇皇后》嘅43歲男星朱鎮模,前年被爆因拍攝大陸劇《親愛的,對不起》而撻着33歲大陸女星張儷,不過戀情爆出時朱鎮模就唔認戀情,直到有傳媒公開二人去日本札幌旅行時嘅照片,朱鎮模喺有圖有真相下於今去年2月終於認拍拖,並指會好好保護女友。
不過兩人喺公開拍拖後一年,敵唔過分隔兩地之苦,分手收場。今日張儷就透過工作室發聲明,宣佈已經同朱鎮模分手,聲明指:「因工作聚少離多,決定回到朋友關係,和平分手。」又指感恩彼此有過美好嘅回憶,同時希望外界尊重二人嘅選擇,繼續支持佢哋嘅作品,並給予佢哋私人空間。
另外,朱鎮模方面隨後亦發表官方立場,直認分手消息,指因為二人嘅行程都十分繁忙關係,所以好自然咁疏遠,並已於近期分手,決定做返朋友及同事嘅關係。
又一對中韓戀斬纜,令唔少粉絲大感惋惜,今年1月韓國男星宋承憲同大陸女星劉亦菲分手收場,估唔到朱鎮模同張儷亦都敵唔過聚少離多而分手。
更多韓流,喺晒《娛果》
http://fb.com/appledailyent