當年今日
關於我們

【韓流】《與神同行》下集係前傳?馬東石:拍完後思考有冇虛度人生

蘋果日報 2018/07/28 14:15

河正宇韓片與神同行馬東石金容華《與神同行》下集

韓國賣座電影《與神同行》嘅下集《與神同行:終極審判》,將於下月港、韓同步上映,香港下周三起有優先場,下月9日正式上映。
早前導演金容華於新公開嘅花絮片中透露,《與神同行》系列原來由今集作為出發點,成個故事都係由今集發展出嚟,既係前傳,亦係續集。而河正宇亦表示:「今集劇情會更完整。」新加盟嘅馬東石的確係個舉足輕重嘅角色,成為今集關鍵。
上集催淚情節誘發觀眾反思人生成為最大賣點,而「馬可愛」馬東石大爆今集都會有相似情節,更透露自己拍完都有思考:「有冇虛度人生。」金東旭亦大讚今集劇情無可挑剔。同時,導演又公開金句:「當了解真相後,人嘅關係有可能變差,但克服之後會更了解彼此,大家都會因此而成長。」到底地獄三使者過去發生咩事,三人之間有咩牽絆?
電影雖然下月先正式上映,但未上映先轟動,首場限定優先場已爆滿,今日再確定全港澳合共57間戲院全部上映,而且更有4DX版本及IMAX版本,成為香港史上開畫規模最大嘅韓片。

更多韓流,喺晒《娛果》
http://fb.com/appledailyent